Մեր մասին

Մեր պատմությունը

2016 թվականից ի վեր «Ֆիլմադարան» կինոմշակույթի զարգացման հասարակական կազմակերպությունն ընդարձակ գործունեություն է ծավալում մշակութային ոլորտում՝ ինչպես Հայաստանում, այնպես էլ արտասահմանում։

«Ֆիլմադարանը» եզակի կազմակերպություն է հայաստանյան կինոյի ասպարեզում, որը կլոր տարի զանազան միջոցառումներ է կազմակերպում՝ փառատոններ, կինոցուցադրություններ, աշխատարաններ, հրատարակում է գրքեր և նկարահանում ֆիլմեր։

Մեր գործունեությունը

Կինոակումբներ

Փառատոնից դուրս «Ֆիլմադարանը» նույն ժամանակահատվածում Երևանում և մարզերում ցուցադրել է հարյուրավոր ֆիլմեր:

2018-2022 թվականներին Երևանի «Գյոթե» կենտրոնի հետ կազմակերպել է գերմանական կինոյի ակումբ՝ թարգմանելով և ցուցադրելով ավելի, քան 60 դասական և նոր ֆիլմ
2022-ից առայսօր Հայաստանում ֆրանսիական ինստիտուտի հետ Ազգային գրադարանում կազմակերպում է Ciné-club-ը՝ ֆրանսիական կինոյի ակումբը, որտեղ թարգմանվել և ցուցադրվել է մոտ 50 դասական և նոր ֆիլմ

Ֆիլմարտադրություն

2016 թվականից ի վեր «Ֆիլմադարան» ՀԿ-ն արտադրել կամ համարտադրել է մոտ մեկ տասնյակ վավերագրական և խաղարկային ֆիլմ:

«Այրուձի», «Անդրեյ Բելիյ․ Հայաստան», «Կաֆկա», «Հավետ կարմիր»
Երեք միջազգային վավերագրություն՝ «Ուջանյան պատմություն» (Ujan Story, Իրան/Հայաստան, 2021), «Իմ Ռայշոֆեն» (Mon Reichshoffen, Ֆրանսիա/Հայաստան, 2023) և «Սահմանը մեր մեջ» (The Border Within Us, Շվեդիա/Հայաստան, 2025)

Գրահրատարակչություն

«Ֆիլմադարանը» հրատարակել է մոտ մեկ տասնյակ գիրք:

2019-ին՝ «Իմ Երևան» գիրք-ալբոմը
2020-ին՝ «Փարաջանով․ նամակներ կալանավայրից» ժողովածուի երկրորդ հրատարակությունը
2021-ին՝ «Փարաջանով․ Intermezzo» գիրքը
2023-ին՝ «Հայկական կինո․ նյութեր և փաստաթղթեր (1909-1936 թթ․)» բացառիկ ժողովածուն
2024-ին՝ «Նռան գույնը»․ ֆիլմի վավերագիր պատմություն» (ռուսերեն) գիրքը

Միջազգային համագործակցություն

Միջազգային ասպարեզում «Ֆիլմադարանը» ծրագրեր է իրականացնում՝ նպատակ ունենալով նպաստել արտասահմանում հայկական կինոյի հանրահռչակմանը։

Գործընկեր կազմակերպություններ

Բրյուսելի «Միլենիում» միջազգային կինոփառատոն
Գրանադայի «Սինեմիստիկա» միջազգային կինոփառատոն
Բելգրադի էթնոլոգիական ֆիլմերի միջազգային փառատոն
Սինեդոկ-Թբիլիսի միջազգային կինոփառատոն

Աշխատարաններ և կրթություն

2019 թվականին Երևանի թատրոնի և կինոյի պետական ինստիտուտի ու Հայ-ռուսական (Սլավոնական) համալսարանի 15 կինոուսանող մասնակցել է «Ֆիլմադարան» ՀԿ-ի և Երևանում «Գյոթե» կենտրոնի կազմակերպած «Սև դաշտ» կինոաշխատարանին, որը վարում էր մեծանուն գերմանացի ռեժիսոր, օպերատոր և մանկավարժ Ֆրեդ Քելեմենը։

Մեր պատմությունը

Մեր գործունեությունը

Կինոակումբներ

Ֆիլմարտադրություն

Գրահրատարակչություն

Միջազգային համագործակցություն

Գործընկեր կազմակերպություններ

Աշխատարաններ և կրթություն

Կապ մեզ հետ

Կապակցվեք մեզ հետ

Էլ. փոստ

Հեռախոս

Հասցե