Կինոդպրոց
Փառատոնին կից կինոդպրոցի նպատակն է խրախուսել Հայաստանի մարզային և սահմանային բնակավայրերի երեխաների ստեղծագործական միտքն ու բորբոքել հետաքրքրությունը շրջակա աշխարհի հանդեպ:
Նպատակները
Ստեղծագործական մտածողություն
Աշակերտները հաղթահարեն ընկալման ավտոմատիզմը և սովորեն արվեստի ու ինքնարտահայտման հնարավորությունների ընդլայնման շնորհիվ նորովի տեսնել, վերարժևորել ու վերաիմաստավորել ամենօրյա իրականությունը:
Մեդիագրագիտություն
XXI դարում, երբ ընթերցանության մշակույթը տեղ է տալիս պատկերային մշակույթին, առավել կարևոր նշանակություն է ստանում մեդիագրագիտությունը և պատկերային ինքնարտահայտումը:
Կինոարարման հմտություններ
Արդի տեխնոլոգիական առաջընթացը լայն հնարավորություններ է տալիս առանց հատուկ տեխնիկական միջոցների ճանաչելու աշխարհը՝ կինոյի լեզվով:
Ծրագրի կառուցվածքը
Տեսական մաս
Աշակերտները նայում և քննարկում են զանազան ֆիլմեր, ինչպես նաև իրենց իսկ նկարահանած նյութը:
Գործնական մաս
Բուն նկարահանումներն են և մոնտաժը:
Արդյունք
Ստեղծված ֆիլմերն ավանդաբար ցուցադրվում են «Ծիրանի ծառ» միջազգային կինոփառատոնի փակման արարողությանը:
